8 iyn 2023 15:23
Xırdalan şəhəri, Heydər Əliyev prospektində yolda yeraltı arxların dəmir qapaqları yerində deyil.
Metbuat.az-ın qaynar xəttinə daxil olan məlumatda qeyd edilir ki, sözügedən yolda yeraltı arxın qapağının olmaması yolda hərəkətə maneə törədir.
Məsələ ilə ağlı Xırdalan şəhər inzibati ərazi dairəsi üzrə nümayəndəsi Malik Məmmədovla əlaqə saxladıq. Qurum rəsmisi qeyd etdi ki, həmin yerlər üçün nəzərdə tutulan dəmir barmaqlıqlar oğurlanıb: "Xırdalan şəhərinin küçə və prospektlərində yağış sularının idarə olunması, axıdılması məqsaədi ilə müvafiq yeraltı arxlar mövcuddur və onlar vaxtaşırı təmizlənilir. Lakin təəssüf hissi ilə bildirməliyik ki, yağış sularının axıdılması üçün nəzərdə tutulan dəmir barmaqlıqların bir sıra hallarda oğurlanması faktları ilə qarşılaşırıq. Bununla əlaqədər olaraq 2022-ci ilin əvvəlində tərəfimizdən Şəhər ərazisində monitorinq keçirilmiş və şəhər ərazisində çatışmayan 47 ədəd dəmir barmaqlıq tərəfimizdən sifariş edilərək yerinə bərpa olunub. Eyni zamanda baş vermiş oğurluq faktlarının araşdırılması və nəzarətin gücləndirilməsi ilə əlaqədar Xırdalan İcra Nümayəndəliyi tərəfindən müvafiq qurumlara müraciətlər edilib".
Malik Məmmədovuvun sözlərinə görə, qeyd edilən məsələdən məlumatlıdırlar: "Bildiririk ki, artıq dəmir barmaqlıqlar sifariş edilib və yaxın 2 gün ərzində yerinə bərpa ediləcəkdir".
Gülər Seymurqızı