2 iyn 2023 10:09
Cəliləbadda 14 yaşlı məktəbli itkin düşüb.
Metbuat.az xəbər verir ki, bu barədə Daxili İşlər Nazirliyinin mətbuat xidmətindən məlumat verilib.
Qeyd edilib ki, Cəlilabad rayon Suluçeşmə kənd sakini, 2009-cu il təvəllüdlü Pünhan Ceyhun oğlu Quliyev mayın 30-da yaşadığı evdən çıxıb və bir daha geri qayıtmayıb. Evdən çıxarkən əynində ağ köynək, əlində çanta olduğu bildirilir.
Onu görən şəxslərdən DİN-in 102 xidmətinə və ya ərazi üzrə polis orqanlarına məlumat vermələri xahiş olunur.