1 iyn 2023 14:57
"Bizimləsən" verilişinin dünənki buraxılışında Əməkdar artist Elza Seyidcahan və iştirakçılardan biri arasında gərgin anlar yaşanıb.
Metbuat.az xəbər verir ki, Elza Seyidcahan Roman adlı iştirakçının üst geyiminə irad bildirib, qalın olduğunu deyib. Bu isə Romanın narazılığına səbəb olub və ona sərt reaksiya verib.
Əməkdar artist həmin iştirakçının "Başımda meyvə ilə gəzmirəm ki?" sözlərinə əsəbiləşib:
"Demək istəyirəm ki, istidir. Sənə bunu yaxşı mənada dedim. Qaldı ki, başımdakı meyvələrə, onlarla həmişə fəxr edirəm. O bir sənətkarın obrazıdır. Bədənini döydürüb o günə qoymaqdansa, başına meyvə qoysaydın bundan min dəfə yaxşı olardı. Pis mənada demədim. Yaz fəslidir, efirdən baxırlar. Deyirsiniz ki, böyük bəstəkaram. Təvəzökarlıqdan uzaq olsa da belədir. Geyimdə və imicdə olsun, başımdakı meyvələrimlə Azərbaycanın fəxriyəm".
Seyidcahan həmçinin aparıcı Zaur Baxşəliyevə də iştirakçının sözlərinə müdaxilə etmədiyinə görə, irad bildirib:
"Zaur, olmaz axı belə. Sən özün deməli idin ki, meyvə dəbdən xəbər verir. Özü də sənin Əməkdar artistinə deyir ki, başına meyvələr qoyub. Sən özün söyləməli idin ki, o böyük səhv edib. O, üzr istəməli idi burada. Mən onu təhqir etmədim. Ürəyim yandı ona".
Daha sonra Roman ifaçıdan üzr istəyib.