10 iyl 2023 15:18
"Rusiya rublunun dollara nisbətən məzənnəsi psixoloji həddən aşağı düşüb. Moskvada səsləndirilən nikbin açıqlamalara rəğmən sanksiyalar rublu sıxmaqdadır".
Metbuat.az xəbər verir ki, bu fikirləri açıqlamasında millət vəkili Vüqar Bayramov deyib. Ekspert qeyd edib ki, ixrac imkanları məhdudlaşan Rusiyada xarici valyutaya tələbin artması da müşahidə olunur.
"Son həftələr milli valyutası kəskin ucuzlaşan Rusiyada 1 dollar almaq üçün artıq 90 rubldan çox ödəniş etmək lazımdır. Dollara nisbətən rublun məzənnəsi bu gün 92.0 olub. Şimal qonşumuza daxil olan xarici valyutanın azalması məzənnəyə təsirsiz ötüşmür. Sanksiyalar genişləndikcə Rusiya iqtisadiyyatında neqativ trendlərin dərinləşəcəyi gözləniləndir. Reallıq bundan ibarətdir ki, Rusiya Mərkəzi Bankının alətləri çoxsaylı deyil və bu da intervensiya imkanlarını məhdudlaşdırır. Rublun ucuzlaşmasının manata təsirlərinə gəldikdə isə bir daha qeyd etmək istərdik ki, Azərbaycan üzən məzənnə rejiminə keçmədiyi üçün milli valyutanın məzənnəsində Mərkəzi Bankın mövqeyi həlledicidir",- deyə millət vəkili bildirib.
Metbuat.az