28 avq 2023 09:22
Xəbər verdiyimiz kimi, dünən Ucar-Zərdab yolunun Ucar rayonunun Qazyan kəndindən keçən hissəsində ağır qəza baş verib.
Metbuat.az xəbər verir ki, Ucar rayonunun Qazyan kənd sakini, 1956-cı il təvəllüdlü Tahir Musa oğlu Əhədovun idarə etdiyi "VAZ 2107" markalı minik maşını ilə oğlu, 1984-cü il təvəllüdlü Abdul Tahir oğlu Əhədovun idarə etdiyi eyni markalı maşın toqquşub.
Nəticədə ata və oğul ağır xəsarət alıb, təcili tibbi yardım avtomobili ilə Ucar Rayon Mərkəzi Xəstəxanasına yerləşdiriliblər. Həkimlərin səyinə baxmayaraq Tahir Əhədov həyatını itirib.