2 avq 2023 11:58
Bakı şəhəri, Heydər Əliyev prospektində P tipli istiqamətverici lövhələrin quraşdırılması davam edir.
Bu barədə Metbuat.az-a Agentlikdən məlumat verilib.
Məlumata görə, lövhələrin quraşdırılması işləri prospektin şəhər istiqamətində, 26.4-cü km-də, bu axşam saat 22:00-dan səhər saat 05:00-dək aparılacaq.
Qeyd olunan vaxt müddətində işlərin aparıldığı zolaqlar üzrə avtonəqliyyat vasitələrinin hərəkəti hissə-hissə qismən məhdudlaşdırılaraq digər zolaqlara yönəldiləcək.
Sürücülərdən qeyd olunan saatlarda sözügedən ərazidə hərəkətdə olarkən diqqətli olmaları, yol hərəkəti qaydalarına və müvəqqəti yol nişanlarının tələblərinə riayət etmələri xahiş olunur.