25 avq 2023 11:51
Ukrayna 42 pilotsuz uçuş aparatı ilə Krıma hücum etməyə cəhd edib.
Metbuat.az xəbər verir ki, bu barədə Rusiya Müdafiə Nazirliyi açıqlama verib. Bildirilib ki, Rusiya ordusu Ukrayna ordusunun PUA-larla hücumunun qarşısını alıb. Açıqlamada deyilir ki, Krım ərazisində açılan atəş nəticəsində 9 PUA məhv edilib, onlardan 33-ü döyüş alətləri ilə məhv edilib. PUA-lar hədəfə çatmadan məhv edilib.
Qeyd edək ki Ukrayna Müdafiə Nazirliyinin Baş Kəşfiyyat İdarəsinin sözçüsü Andrey Yusov ukraynalı əsgərlərin xüsusi əməliyyat çərçivəsində Krıma daxil oluğunu açıqlayıb. Onun sözlərinə görə, Ukrayna Baş Kəşfiyyat İdarəsi Hərbi Dəniz Qüvvələri ilə birgə Krımda xüsusi əməliyyat keçirib.
"Xüsusi əməliyyat çərçivəsində əsgərlər yarımadaya daxil olub. Hədəflərə çatıldı. Əsgərlərimiz arasında itki yoxdur” - mətbuat katibi Andrey Yusov deyib.
Xüsusi əməliyyatın davam etdiyini deyən Yusov bütün detalları açıqlamayacaqlarını bildirib. Yusov Rusiya qüvvələrinin itkilər verdiyini iddia edib.