19 sen 2023 14:43
Türkiyə Prezidenti Rəcəb Tayyib Ərdoğana ABŞ-ın PBS kanalına müsahibə zamanı rusiyalı həmkarı Vladimir Putinlə bağlı maraqlı sual verilib.
Metbuat.az xəbər verir ki, Ərdoğana Putinə güvənib-güvənmədiyi barədə sual verilib. "Putinin taxıl vədinə əməl edəcəyinə inanırsınızmı?" sualına Ərdoğan belə cavab verib:
"Putinə güvənməməyim üçün heç bir səbəb yoxdur. Rusiya ən az Qərb qədər etibarlıdır. Bizi 50 ildir qapısında gözlədən Avropa Birliyidir. Mən Qərbə nə qədər güvənirəmsə Rusiyaya da o qədər güvənirəm”.
Putinin taxıl sazişini hələ bərpa etmədiyi barədə suala isə Ərdoğan, “Biz (Putin) onlardan soruşduq, 1 milyon ton daha göndərəcəklərini dedilər” deyə cavab verib. Ərdoğan, Putinin taxıl ixracına dərhal başlayacağını və hadisələri izlədiklərini bəyan edib.