6 okt 2023 12:19
Dünən Avropa Liqasının 2-ci turu çərçivəsində keçirilən matçda - İsveç "Hekken"i ilə səfər oyununda 1:0 hesablı qələbəyə sevinən "Qarabağ" həm də büdcəsini yaxşılaşdırıb.
Metbuat.az bildirir ki, dünənki zəfər ağdamlılara daha 630 min avro qazandırıb.
Qrupa düşərək 3 milyon 630 min avro vəsait əldə edən "köhlən atlar" Bakıda Norveç "Molde"sini üstələdiyi üçün də 630 min qazanmışdı.
Beləliklə, "Qarabağ" AL-in qrupunda uğurlu mübarizə sayəsində gəlirini 4 milyon 890 min avroya çatdırıb.