18 noy 2023 00:14
Avropa İttifaqının "Frontex" sərhəd nəzarəti agentliyi öz qüvvələrini Finlandiyaya, Rusiya ilə sərhədə göndərməyə hazırdır.
Metbuat.az-ın məlumatına görə, bu barədə "Helsingin Sanomat" qəzeti məlumat yayıb.
“Frontex”in Finlandiyaya hansı kontingenti göndərəcəyi barədə hələ qərar verməyib. Kontingentin gəlişinin dəqiq vaxtı da hələlik məlum deyil.
Bundan əvvəl noyabrın 16-da baş nazir Petteri Orpo Finlandiya hökumətinin ölkənin şərqindəki 4 sərhəd keçid məntəqəsini bağlayacağını bildirib. Daxili işlər naziri Mari Rantanenin sözlərinə görə, Vaalimaa, Nuijamaa, İmatra və Niiraladakı keçid məntəqələri bağlanacaq, qərar 2024-cü il fevralın 18-dək qüvvədədir.