28 Noyabr 2023 11:26
2023-cü ilin yanvar-oktyabr aylarında Azərbaycanla Türkiyə arasında ticarət dövriyyəsi illik müqayisədə 33.4% artaraq 6 milyard 747 milyon dollar təşkil edib.
Bu barədə Metbuat.az Dövlət Gömrük Komitəsinə istinadən xəbər verir.
Hesabat dövründə Azərbaycandan Türkiyəyə ixrac illik müqayisədə 50% artaraq 4 milyard 838 milyon dollara, Türkiyədən Azərbaycana ixrac isə 4% artaraq 1 milyard 908 milyon dollara bərabər olub.
Qeyd edək ki, cari ilin yanvar-oktyabr ayları ərzində Türkiyəyə qeyri-neft ixracı 675 milyon 905 min dollar təşkil edib ki, bu da illik müqayisədə 16% çoxdur.