17 noy 2023 00:12
“Azərbaycan futbolu üçün önəmli oyunlardan biri oldu. Hər kəsi təbrik edirəm”.
Metbuat.az Qafqazinfo-ya istinadən xəbər verir ki, bunu AFFA prezidenti Rövnəq Abdullayev deyib.
O, Azərbaycan yığmasının AVRO-2024-ün seçmə mərhələsində İsveçə 3:0 qalib gəldiyi oyundan sonra danışıb. R.Abdullayev həmçinin baş məşqçi Canni De Byazinin vəzifədə qalıb-qalmayacağı ilə bağlı suala da cavab verib:
“Bu artıq dönüşdü. Çempionat da maraqlı keçir. De Byazinin qalıb-qalmayacağını müzakirə etmək İcraiyyə Komitəsinin işidir. Onun fatihəsini verincə, gəlin motivasiya edək Belçikada da qələbə qazansın”.
AFFA prezidenti Belçikadakı nəticənin De Byazi üçün həlledici olacağını bildirib.
R.Abdullayev mart ayında baş tutacaq AFFA prezidenti seçkisində yenidən federasiya rəhbəri olacağı ilə bağlı suala isə belə cavab verib:
“Ona baxarıq, hələ o vaxta kimi yaşamaq lazımdır”.