1 Dekabr 2023 12:24
Noyabrın 26 -da planlaşdırılan amma qrup daxilində razılığa gələ bilmədiklərinə görə noyabrın 30-da baş tutan “OPEC+” üzvləri hasilat ilə bağlı razılığa gəliblər.
Metbuat.az "Bloomberg"e istinadən məlumat verir ki, alyans üzvləri gələn ilin əvvəlində gündəlik hasilatın demək olar ki, 2 milyon barel azaldılması ilə bağlı qərar qəbul ediblər.
Bildirilib ki, Rusiya neft hasilatını gündəlik 500 min, Səudiyyə Ərəbistanı isə könüllü olaraq sutkada 1 milyon barel azaldacaq. Bununla yanaşı alyansda iştirak edən digər ölkələr də gündəlik neft hasilatını 1 milyon barel azaldacaqlar.
"OPEC+" ölkələrinin görüşündən sonra, Braziliyanın 2024-cü ilin yanvarından alyansa qoşulmaq barədə təklifinə müsbət cavab verilib.Beləki Brazilyada artan hasilat fonunda ölkənin alyansa üzvlüyü qərar verilib. Braziliya Neft və Qaz İnstitutunun 2023-cü ilin iyulunda apardığı hesablamalara görə ölkədə hasilat səviyyəsidünyada doqquzuncu yerdədir.
Xatırladaq ki, “OPEC+” üzvlərinin növbəti iclası gələn ilin iyunun birində baş tutacaq.