6 Dekabr 2023 15:32
“Zirə”nin əvəzedici komandasının baş məşqçisi Zaur Həşimov cəzalandırılıb.
Metbuat.az xəbər verir ki, buna 42 yaşlı mütəxəssisin Əvəzedicilər Liqasının XV turunda “Neftçi-2” ilə oyunun 10-cu dəqiqəsində qırmızı vərəqə alması səbəb olub.
Hakimin qərarına etiraz etdiyi üçün birbaşa qırmızı vərəqə alan Zaur Həşimov 2 matçlıq cəzaya məruz qalıb. Həmçinin klub 150 manat cərimə ödəməli olacaq.
Qeyd edək ki, “Zirə-2” – “Neftçi-2” oyunu ikincilərin 3:1 hesablı qələbəsi ilə yekunlaşıb.