17 Fevral 2024 13:44
Zəngilanın Ağalı kəndində 30 ildən sonra yenidən toy məclisi keçirilib.
Metbuat.az xəbər verir ki, bir neçə gündür toy üçün başlanan hazırlıqlar yekunlaşıb və məclis artıq başlayıb. Bəyin atası Ağalı sakini Baloğlan Mirzəyev bildirib ki, belə bir toy mərasimi keçirmək onların çoxdankı arzusu idi.
Ağalıda toy çadırı qurulan bəy Xanoğlan Mirzəyev də Qarabağ qazisidir. 30 ildən sonra ata- baba yurdunda belə bir toy məclisinin qurulmasının düşmana göz dağı olduğunu deyən Xanoğlan Mirzəyev bildirib ki,Ağalı sakinləri öz doğma torpaqlarındadırlar.
Qeyd edək ki, Ağalı kəndində hazırda 871 sakin yaşayır.