2 Fevral 2024 08:25
Türkiyənin xarici işlər naziri Hakan Fidan İsveçin xarici işlər naziri Tobias Billström ilə adıçəkilən ölkənin NATO-ya qəbulu prosesini müzakirə edib.
Metbuat.az xəbər verir ki, bu barədə Türkiyə mətbuatı diplomatik mənbələrə istinadən məlumat yayıb.
Məlumata görə, telefon danışığı zamanı nazirlər İsveçin NATO-ya üzvlüyünün ratifikasiyası prosesini, həmçinin Türkiyə-Finlandiya-İsveç Daimi Birgə Mexanizminin qarşıdan gələn iclasına hazırlıq məsələlərini müzakirə ediblər.
Nazirlər, həmçinin Türkiyə ilə Avropa İttifaqı arasında əlaqələrin inkişafına dair fikir mübadiləsi aparıblar.