6 Fevral 2024 14:12
"Barselona" iqtisadi çətinlikləri aradan qaldırmaq üçün intensiv çalışmalıdır.
Metbuat.az xəbər verir ki, klub mövsümün sonuna qədər 100 milyon avro büdcə problemini aradan qaldırmalıdır. "The Athletic"in məlumatına görə, La Liqa “Barselona”dan yeni transferlərdən əvvəl cari mövsüm üçün büdcəsini tarazlamağı tələb edir. “Barselona”, Almaniyanın “Libero Football Finance” şirkətinin ötən mövsüm bağlanmış müqaviləyə görə onlara 40 milyon avro borcu olduğunu iddia edir. Klub “Barca Studios”un satışından əldə edilən 60 milyon avronun maaş büdcəsinə əlavə edəcəyini irəli sürüb. Bu o deməkdir ki, klub gələn mövsümdən əvvəl heyəti daha da gücləndirmək istəyirsə, ya bu sövdələşmələrdən, ya da digər vasitələrlə təxminən 100 milyon avro qazanmalıdır. Həmçinin “Barselona” Robert Levandovski və Frenkie de Yonq kimi yüksək məvacibli oyunçuları satmaqla problemlərini aradan qaldıra bilər.
“Barselona” əks halda maaş məhdudiyyəti səbəbindən növbəti mövsümdə yeni transferlər olan Vitor Roke və İniqo Martines kimi futbolçuları heyətinə cəlb edə bilməyəcək.