29 Fevral 2024 09:33
Bərdədə ağır yol qəzası baş verib.
Metbuat.az-ın məlumatına görə, hadisə bərdə rayonu Seyidyusifli kəndi ərazisində baş verib.
25.03.2003-cü il təvəllüdlü Allahverduyev Elşən Arif oğıu idarə etdiyi “VAZ 21074” markalı avtomobili ilə Bərdə-Yevlax yolunda hərəkətdə olarkən. 27.04.1996-cı il təvəllüdlü Əliyev Səxavət Novruz oğlunun idarə etdiyi Mercedes Benz C240 markalı avtomobili ilə toqquşaraq yol-nəqliyyat hadisəsi törətmiş, hadisə nəticəsində hər iki sürücü, VAZ 21074 markalı avtomobildəki sərnişin 02.11.2003-cü il təvəllüdlü Abbasov Ömər Vüqar oğlu, Mercedes Benz C204 markalı avtomobildəki sərnişin 19.03.1991-ci il təvəllüdlü Qasımov Elçin Natiq oğlu müxtəlif dərəcəli bədən xəsarətləri almış, “Mercedes Benz C204” markalı avtomobildəki sərnişinlər – 06.10.1985-ci il təvəllüdlü Qocayev Anar Rafiq oğlu və 28.03.1986-cı il təvəllüdlü Qasımov Eldəniz Ələkbər oğlu hadisə yerində ölmüşlər.
Faktla bağlı Bərdə RPŞ-də CM-nin 263.3 maddəsi ilə cinayət işi başlanaraq istintaq aparılır.
Seyranə Quliyeva / Metbuat.az