10 Fevral 2024 17:09
Bu gün futbol üzrə Asiya Kubokunun qalibi bəlli olacaq.
Metbuat.az xəbər verir ki, finalda İordaniya millisi ilə turnirə ev sahibliyi edən Qətər yığması qarşılaşacaq. Həlledici görüş Bakı vaxtı ilə saat 19:00-da başlayacaq.
İordaniyalılar yarımfinalda Cənubi Koreyanı mübarizədən kənarlaşdıraraq tarixində ilk dəfə finala vəsiqə qazanıblar. Qətər seçməsi isə 1/2 finalda İranı üstələyib.
Qeyd edək ki, Asiya Kubokunun ümumi mükafat fondu 14,8 milyon ABŞ dolları təşkil edir. Turnirin qalibi 5 milyon, finalda uduzan komanda 3 milyon dollar qazanacaq.