9 Fevral 2024 17:21
Ukrayna Prezidenti Vladimir Zelenski Silahlı Qüvvələrinin keçmiş baş komandanı Valeri Zalujnıya Ukrayna Qəhrəmanı adı verib.
Metbuat.az xarici mediaya istinadən xəbər verir ki, bu barədə müvafiq fərman prezidentin internet saytında dərc olunub.
Zalujnı Ukraynanın dövlət suverenliyinin və ərazi bütövlüyünün müdafiəsində əlamətdar şəxsi xidmətlərinə, Ukrayna xalqı qarşısında fədakar xidmətinə görə bu ada layiq görülüb.
Fərmanda deyilir: “General Valeri Zalujnıya “Qızıl Ulduz” ordeni ilə Ukrayna Qəhrəmanı adı verilsin"
Qeyd edək ki, fevralın 8-də Zelenski Zalujnı ilə görüşüb və ona xidmətlərinə görə təşəkkür edib. Daha sonra Prezident Aparatı general-polkovnik Aleksandr Sırskinin Ukrayna Silahlı Qüvvələrinin baş komandanı təyin edilməsi haqqında fərman verib.
Həmçinin, Zelenski Zalujnıya Ukrayna hökumət komandasında olmağı təklif edib. Bununla yanaşı, Kiril Budanova da Ukrayna Qəhrəmanı adı verilib.
Seyranə Quliyeva / Metbuat.az