1 Mart 2024 10:28
Suraxanı rayonunun Zığ qəsəbəsində sürüşmə olub.
Suraxanı rayon İcra Hakimiyyətindən Metbuat.az-a bildirilib ki, həmin ərazidə Fövqəladə Hallar Nazirliyinin mütəxəssisləri tərəfindən tərtib olunmuş müvafiq aktlara əsasən, qəzalı evlərin 200-ə yaxın sakininin təhlükəsizliyini təmin etmək məqsədilə həmin evlərin sakinləri kirayə evlərə köçürülüb.
Suraxanı Rayon İcra Hakimiyyətinin Rayon Təsərrüfat şöbəsinin baş məsləhətçisi Ramil Salmanlı bildirib ki, ərazidə olan digər evlərədə mütəxəssislər tərəfindən baxış keçirilib, qəzalı vəziyyətdə olan evlər müəyyənləşdirilib. Həmin evlərin sakinləridə kirayə evlərə köçürüləcək.
Qeyd edək ki, hadisə sürüşmə zonasında qeydə alınıb. Hadisə nəticəsində bir neçə il əvvəl ərazidə sürüşmənin qarşısını almaq üçün çəkilmiş beton sədd uçub. Əraziyə yaxın yerləşən evlər üçün təhlükə yarandığı deyilir.
Hadisə yerinə Fövqəladə Hallar Nazirliyinin əməkdaşları cəlb edilib.
Seyranə Quliyeva / Metbuat.az