18 Aprel 2024 09:19
"Əgər Ukrayna Rusiyaya məğlub olsa, Üçüncü Dünya müharibəsi başlayacaq".
Metbuat.az xəbər verir ki, bunu Ukraynanın Baş naziri Denıs Şmıhal BBC-yə danışarkən deyib. O bildirib ki, ABŞ-nin Ukraynaya 60 milyard dollardan çox vəsaitin ayrılmasını nəzərdə tutan qanun layihəsini qəbul edəcəklərinə ümidlidir:
“Bizə bu pul dünən lazımdır, sabah yox, bu gün yox... Ukrayna məğlub olsa, dünya təhlükəsizlik sistemi məhv olacaq və bütün dünya yeni təhlükəsizlik sistemi axtarmalı olacaq. Çoxlu münaqişələr, çoxlu belə müharibələr olacaq və bu, sonda Üçüncü Dünya müharibəsinə gətirib çıxara bilər".
Xatırladaq ki, daha əvvəl Ukrayna Prezidenti Volodimir Zelenski Üçüncü Dünya müharibəsi ilə bağlı danışmışdı.