22 Aprel 2024 10:42
Kilian Mbappe PSJ-yə verdiyi vədə əməl etməyib.
Metbuat.az xəbər verir ki, Mbappe PSJ-də qalacağına söz veribmiş. Fransa mediasının məlumatına görə, Mbappe ötən mövsümün sonunda PSJ-nin prezidenti Nasser Əl-Xəlaifiyə müqaviləni uzadacağına söz verib. Lakin o sözünə əməl etməyib. Buna görə də, Nasser Əl-Xəlaifinin Kilian Mbappeyə əsəbiləşdiyi deyilir. Qeyd edək ki, Kilian Mbappenin “Real Madrid”lə müqavilə imzaladığı deyilir. Hücumçunun “Real”a transferi mövsümün sonunda elan ediləcək.
Bildirilir ki, “Real Madrid” və PSJ-nin Çempionlar Liqasında qarşılaşmaq ehtimalı olduğuna görə, Mbapenin transferinin elan edilməsi təxirə salınıb. Klublar arasında bu barədə razılaşmanın olduğu qeyd edilib.