19 Aprel 2024 12:55
Sosial şəbəkələrdə Bakıda fəaliyyət göstərən taksilərin kütləvi şəkildə cərimə meydançasına aparılması ilə bağlı görüntülər yayılıb.
Metbuat.az xəbər verir ki, sosial şəbəkədə video paylaşan sürücü buraxılış sənədi olmayan çoxsaylı avtomobillərin Yasamal rayonu Salamzadə küçəsində yerləşən DYP-nin duracağına yerləşdirildiyini bildirib.
Mövzu ilə bağlı Bakı Şəhər DYP İdarəsindən bildirildi ki, sözügedən videonu çəkən şəxsin avtomobilinin üzərində ötən ilə aid ödənilməmiş cərimə borcları olduğu üçün mühafizə olunan duracağa yerləşdirilib: “Bununla yanaşı, inzibati icraat zamanı sürücü müvafiq icra hakimiyyəti orqanının razılığı olmadan nəqliyyat vasitəsində reklamın yayılması və qeyri-qanuni sərnişindaşıma fəaliyyəti ilə məşğul olduğu üçün də inzibati məsuliyyətə cəlb edilib”.
Qeyd edək ki, son vaxtlar Bakı şəhərində taksi fəaliyyətinin tənzimlənməsi ilə bağlı tədbirlər həyata keçirilir və qanunvericilik bazası təkmilləşdirilir.