2 Aprel 2024 13:06
Məhkəmə Tofiq Yaqublunun vəsatətini təmin etməyib.
Metbuat.az xəbər verir ki, Bakı şəhərinin Nərimanov Rayon Məhkəməsində hakim Hafiz Kamranovun sədrliyi ilə keçirilən iclasda Tofiq Yaqublu barədə qərar qəbul olunub.
Onun ev dustaqlığına buraxılması ilə bağlı vəsatətə baxılıb və təmin edilməyib.
Qeyd edək ki, o, ötən il dekabr ayının 14-ü saxlanılıb. T.Yaqublu Cinayət Məcəlləsinin 178.3.2 (külli miqdarda ziyan vurmaqla dələduzluq etmə), 320.1 (rəsmi sənədləri saxtalaşdırma) və 320.2-ci (bilərəkdən saxta sənədlərdən istifadə etmə) maddələri ilə ittiham olunur. O, Nərimanov Rayon Məhkəməsinin qərarı ilə 4 ay müddətinə həbs edilib.