28 May 2024 11:48
“Əl-Nəssr” klubunun futbolçusu Kriştiano Ronaldo adını Səudiyyə Ərəbistanı liqası tarixinə yazdırmasından danışıb.
Metbuat.az xəbər verir ki, o, yaxşı formada olduğunu ifadə edib. Səudiyyə Ərəbistanı liqası tarixində 1 mövsümdə ən çox qol vuran futbolçu olmasından danışan Ronaldo bildirib ki, o rekordları izləmir, rekordlar onu izləyir.
Qeyd edək ki, Kriştiano Ronaldo Səudiyyə Ərəbistanı liqası tarixində 1 mövsümdə ən çox qol vuran futbolçu olub. Ronaldo 31 oyuna 35 qol vurub, 11 məhsuldar ötürmə edib. Səudiyyə Ərəbistanı Pro Liqasının sonuncu, 34-cü turunda "Əl-Nəssr" - "Əl-İttihad"a 4-2 hesabı ilə qalib gəlib. Ronaldo həmin oyunda dubl edib. "Əl-Nəsr" 82 xal toplayaraq ikinci yeri tutub. “Əl-Hilal” isə 96 xalla çempion olub.