14 İyun 2024 22:19
"Builki buraxılış imtahanlarının nəticələri ötən illərlə müqayisədə daha yaxşıdır".
Metbuat.az xəbər verir ki, bu sözləri Asan TV-yə müsahibəsində Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.
O bildirib ki, keçirilən imtahanlarda ana dilindən sıçrayış gördük:
"Ortastatistik abituriyentin göstəriciləri təxminən 15 bal artıb. Riyaziyyat fənnindən isə nəticələr beş-altı bal artıb. Lakin hələ istədiyimiz səviyyədə deyil", - o bildirib.