20 Avqust 2024 09:44
ABŞ İranı prezidentliyə namizədlər Donald Tramp, Kamala Harris və keçmiş namizəd Co Baydenin məlumatlarına kiber hücumda ittiham edib.
Metbuat.az xəbər verir ki, "Associated Press"in məlumatına görə, ABŞ-nin kiber hücumların arxasında İranın olduğu qənaətinə necə gəldiyi bildirilmir. Oğurlandığı düşünülərin məlumatların mahiyyəti barədə ətraflı təsvir də edilməyib. Bununla belə ABŞ kəşfiyyat rəsmiləri qeyd edir ki, İran “hər iki siyasi partiyanın prezidentlik kampaniyalarına birbaşa çıxışı olan şəxslərə çıxış əldə etməyə cəhd edib:
“Biz bu seçki dövrü ərzində İranın getdikcə daha aqressiv fəaliyyətini müşahidə etdik, xüsusilə Amerika ictimaiyyətinə təsir əməliyyatları və prezidentlik kampaniyalarını hədəf alan kiber əməliyyatlar”.