5 Avqust 2024 23:49
"İran regional gərginliyi artırmaq niyyətində deyil, lakin hesab edir ki, İsraili daha da qeyri-sabitliyin qarşısını almaq üçün cəzalandırmalıdır".
Metbuat.az xəbər verir ki, bu sözləri İranın Xarici İşlər Nazirliyinin rəsmi nümayəndəsi Nasir Kənani deyib.
“İran regionda sabitlik bərqərar etməyə çalışır, lakin bu, yalnız təcavüzkarı cəzalandırmaq və sionist rejimin (İsrail) avantürizminə qarşı çəkindirmə yaratmaqla olacaq”, - deyə Nasir Kənani Tehranın hərəkətinin qaçılmaz olduğunu bildirib.
Kanaani ABŞ-ı İsrailə dəstəyi dayandırmağa çağıraraq, beynəlxalq ictimaiyyətin regionda sabitliyi qorumaq vəzifəsini yerinə yetirmədiyini və "təcavüzkarın cəzalandırılmasını" dəstəkləməli olduğunu deyib.
İranın Xarici İşlər Nazirliyi bazar ertəsi günü Tehranda yaşayan səfirləri və missiya rəhbərlərini xarici işlər naziri səlahiyyətlərini icra edən Əli Baqeri Kani ilə görüşə çağıraraq, İranın İsrailə cavab vermək iradəsini təkrarlayıb.
Kənani deyib ki, Həniyənin öldürülməsi və İranın cavabını müzakirə etmək üçün İranın tələbi ilə çərşənbə günü İslam Əməkdaşlıq Təşkilatının fövqəladə iclası keçiriləcək.
Tehran və İrana bağlı HƏMAS və Hizbullah kimi qruplar İsraili iyulun 31-də İran paytaxtında Həniyəni öldürməkdə günahlandırıblar. Onun ölümü HƏMAS ilə İsrail arasında Qəzzada 11-ci aya yaxınlaşdığı bir vaxtda yüksək vəzifəli HƏMAS xadimlərinin öldürülməsi hadisələrindən biridir.