18 Avqust 2024 17:10
UEFA Çempionlar Liqasının pley-off mərhələsində “Qarabağ”ın Xorvatiya təmsilçisi “Dinamo” ilə qarşılaşacağı oyun Türkiyədə də canlı yayımlanacaq.
Metbuat.az xəbər verir ki, qardaş ölkənin "TRT 1" kanalı 20 avqust tarixində Zaqrebdə keçiriləcək və saat 23:00-da başlayacaq qarşılaşmanı birbaşa efirə verəcək.
Bununla da Zaqrebdəki oyun Türkiyədə ilə yanaşı dünyanın bir çox ölkəsində də izləyicilərə təqdim olunacaq.
Xatırladaq ki, Azərbaycanda bu oyunu "CBC Sport" kanalı canlı yayımlayacaq.