19 Sentyabr 2024 09:26
Keçmiş Amerika lideri və Respublikaçılar Partiyasından prezidentliyə namizəd Donald Tramp bildirib ki, gələn həftə ABŞ-yə səfəri zamanı Ukrayna lideri Volodimir Zelenski ilə görüşə bilər.
Metbuat.az xəbər verir ki, bu barədə "Reuters" məlumat yayıb.
Tramp jurnalistin sualını cavablandırarkən “Böyük ehtimal ki, bəli”, - deyə qeyd edib.
Qeyd edək ki, Vladimir Zelenskinin Birləşmiş Ştatlara səfəri çərçivəsində ABŞ prezidenti Co Bayden və hər iki partiyanın Konqres üzvləri ilə görüşü planlaşdırılır.
Zelenski 2022-ci ilin fevralından bəri ikinci dəfə ABŞ-yə səfər edəcək. Onun Vaşinqtona son səfəri 2022-ci ilin dekabrında baş tutub.