11 Noyabr 2024 14:28
Noyabrın 12-də Abşeron yarımadasının bəzi yerlərində fasilələrlə çiskinli yağış gözlənilir, mülayim şimal-şərq küləyi əsəcək.
Milli Hidrometeorologiya Xidmətindən Metbuat.az-a verilən məlumata görə, Bakıda və Abşeron yarımadasında hava dəyişkən buludlu və əsasən arabir tutulacaq. Temperatur gecə 8-11°, gündüz isə 12-14° isti təşkil edəcək. Atmosfer təzyiqi 768 mm-dən 772 mm civə sütununa yüksələcək, nisbi rütubət isə 70-80 % olacaq.
Ölkənin digər rayonlarında bəzi yerlərdə arabir yağıntılar, şimşək çaxması və intensiv leysanlar müşahidə olunacaq. Dağlıq ərazilərdə qar yağacağı, bəzi yerlərdə dolu düşəcəyi ehtimal olunur. Səhər və axşam saatlarında duman olacaq, mülayim şərq küləyi əsəcək. Gecə temperatur 4-9°, gündüz 11-16° isti, dağlıq bölgələrdə isə gecə 0-5° şaxta, gündüz 3-8° isti olacaq.