5 Noyabr 2024 23:16
Rusiya Xarici İşlər Nazirliyinin rəsmi nümayəndəsi Mariya Zaxarova ABŞ-də keçirilən 60-cı prezident seçkiləri ilə bağlı açıqlama verib.
Metbuat.az xəbər verir ki, Mariya Zaxarova 2020-ci il seçkilərini xatırladaraq nəticələri qəbul etməyənlərin "terrorçu" kimi damğalandığını, genişmiqyaslı həbslərin həyata keçirildiyini qeyd edib. O, ABŞ cəmiyyətindəki mövcud qütbləşməyə toxunaraq bu vəziyyətin siyasi partiya və ideoloji baxışlardan daha çox, dərin sosial bölünmə olduğunu vurğulayıb.
Zaxarova həmçinin ABŞ-də ənənəvi demokratiyanın və əks baxışlara hörmətin zəiflədiyini bildirib. Zaxarovanın sözlərinə görə, Amerika cəmiyyəti artıq birgə yaşamağı necə davam etdirəcəyini sorğulayır.
"Artıq partiya xətləri və fərqli baxışlara qarşı qarşılıqlı hörmətlə işləyən sistem yoxdur," – deyə Zaxarova əlavə edib.