22 Noyabr 2024 01:12
"Mançester Siti" Pep Qvardiola ilə mövsümün sonunda başa çatacaq müqaviləsini 2027-ci ilə qədər uzadıb.
Metbuat.az xəbər verir ki, klubun saytına danışan Pep Qvardiola, "Mançester Siti” ilə müqaviləsini iki il uzatdığını ifadə edib. Məşqçi xoşbəxt olduğu yerdə qalacağını bildirib. Qvardiola "Mançester Siti” işləməyin onun üçün imtiyaz olduğunu deyib.
Qeyd edək ki, Pep Qvardiola "Mançester Siti” ilə 8 mövsümdə 18 kubok qazanıb. Onun "Mançester Siti"dəki ən pis mövsümü liqada 3-cü yeri tutduqları ilk mövsümü olub. Qvardiola 6 dəfə Premyer Liqa çempionu olub. "Mançester Siti" Qvardiola dövründə 490 matçda 353 qələbə qazanıb.