16 Noyabr 2024 14:34
Portuqaliya millisinin və "Əl Nəsr" klubunun 39 yaşlı hücumçusu Kristiano Ronaldo millidəki karyerasını nə vaxt bitirəcəyinə dair qərar verməyib.
Metbuat.az xəbər verir ki, bu barədə ulduz futbolçu xarici KİV-ə açıqlama verib. Ronaldo bildirib ki, bu qərar düşünülmüş şəkildə veriləcək:
"Millini gözlənilməz, lakin düşünülmüş qərarla tərk edəcəyəm. İlkin açıqlama olmayacaq".
Qeyd edək ki, Ronaldo 2003-cü ildən Portuqaliya millisində çıxış edir. O, indiyədək 215 oyunda 135 qol vurub, 45 məhsuldar ötürmə ilə yadda qalıb. 2016-cı ildə milli komanda ilə Avropa çempionluğunu qazanıb.