5 Noyabr 2024 23:05
Səudiyyə Ərəbistanının "Al-Hilal" klubu "Real Madrid"in ulduzu Vinisius Junioru 300 milyon dollara almaq istəyir.
Metbuat.az xəbər verir ki, bu iddia ilə "Fichajes" çıxış edib. Bildirilib ki, braziliyalı ulduz İspaniya nəhəngi ilə hələ müqaviləsini yeniləməyib, Səudiyyə klubu da bu vəziyyətdən yararlanmaq istəyir.
"Al-Hilal" bu transferi reallaşdırarsa, PSG-nin Neymar üçün "Barselona"ya ödədiyi 222 milyon avroluq tarixi transfer rekordunu qırılacaq. Eyni zamanda, Səudiyyə klubu Vinisiusa onu dünyanın ən çox qazanan futbolçusu edəcək müqavilə təklif etmiş olacaq.
Müqaviləsi 2027-ci ildə sona çatacaq ulduz futbolçu hələ "Real Madrid"in yeni müqavilə təklifinə cavab verməyib. Madrid klubu futbolçunun qərarında dəyişiklik olmazsa, gələn təklifləri dəyərləndirməyi düşünür.
Həmçinin "Real" Alphonso Davies, Trent Alexander-Arnold və Florian Wirtz kimi ulduz futbolçuları heyətinə qatmaq üçün Vinisiusun transferindən gələcək vəsaiti istifadə etməyi planlaşdırır.