20 Dekabr 2024 10:45
Bu gün Misli Premyer Liqasında 18-ci tura start veriləcək.
Metbuat.az xəbər verir ki, ilk gündə 1 oyun keçiriləcək. "Kəpəz" "Sumqayıt"ı qəbul edəcək. Görüş saat 16:00-da başlayacaq. Matçı FİFA referisi Kamal Umudlu idarə edəcək.
Hazırda Gəncə klubu turnir cədvəlində 10 xalla 9-cudur. "Sumqayıt" isə 19 xalla 6-cı pillədə qərarlaşır.
Bu komandalar arasında 1-ci dövrənin oyunu "Sumqayıt"ın 2:0 hesablı qələbəsi ilə başa çatıb.
Qeyd edək ki, ötən gün "Qarabağ" 3-cü turdan təxirə salınan "Şamaxı" ilə matçda minimal hesabla qalib gələrək "Araz Naxçıvan"la arasındakı xal fərqini 5-ə qaldırıb. Bununla da komanda 2024-cü ilin son turunda onların öz arasında keçirəcəyi matçın nəticəsindən asılı olmayaraq, Premyer Liqada qış çempionluğunu təmin edib.
20 dekabr
16:00.“Kəpəz” – “Sumqayıt”
Hakimlər: Kamal Umudlu, Rəhman İmami, Teymur Teymurov, Əkbər Əhmədov
VAR: Tural Qurbanov
AVAR: Asiman Əzizli
Tovuz şəhər stadionu
21 dekabr
16:00.“Turan Tovuz” – “Neftçi”
18:30.“Səbail” – “Zirə”
22 dekabr
14:00. “Şamaxı” – “Sabah”
16:30. “Qarabağ” – “Araz-Naxçıvan”