18 Dekabr 2024 22:33
Microsoft-dan Windows 11 ilə bağlı yeni xəbərdarlıq: Minimum sistem tələblərində dəyişiklik olmayacaq
Microsoft bu ayın əvvəlində Windows 11 qurulması ilə bağlı dəstək səhifəsində yeniliklər etmiş və dəstəklənməyən avadanlıqlarla bağlı məlumatları bir qədər aydınlaşdırmışdı. İndi isə həmin səhifədə daha bir yeniləmə edilib.
Son dəyişikliklə Microsoft, dəstəklənməyən cihazlarda Windows 11-in qurulmasının rəsmi şəkildə icazə verilmədiyini və bu istifadəçilərin dərhal Windows 10-a qayıtmalarının tövsiyə olunduğunu açıq şəkildə vurğulayır. Həmçinin, dəstəklənməyən cihazlarda Windows 11 quraşdıranların bütün təminatlardan imtina etdiklərini qəbul etmələri üçün xüsusi feragatnamə təqdim edilir.
Yenilənmiş məqalənin başlığı da dəyişdirilib. “Minimum sistem tələblərinə cavab verməyən cihazlara Windows 11 yüklemek” ifadəsi “Minimum sistem tələblərinə cavab verməyən cihazlarda Windows 11” olaraq dəyişdirilib. Bu da Microsoft-un minimum sistem tələblərini azaltmaq fikrində olmadığını bir daha təsdiqləyir.
Bütün bunlar onu göstərir ki, Microsoft tənqidlərə və gözləntilərə baxmayaraq, Windows 11-in tələblərində hər hansı güzəştə getməyəcək. Əgər siz Windows 11-dən istifadə etmək istəyirsinizsə, yeni bir kompüter almaqdan başqa çarəniz yoxdur.