9 Dekabr 2024 11:33
Zaqatalanın Yuxarı Tala kəndində ağır yol-nəqliyyat hadisəsi qeydə alınıb.
Metbuat.az xəbər verir ki, bu barədə Daxili İşlər Nazirliyi Şəki regional qrupundan məlumat verilib.
Belə ki, Yevlax-Zaqatala-Gürcüstan sərhəd magistral yolunun 122-ci kilometrliyində, rayonun Yuxarı Tala kəndi ərazisində 24 yaşlı Emil Qurbanovun idarə etdiyi VAZ-2115 markalı minik avtomobili ilə 29 yaşlı Elvin Məmmədovun idarə etdiyi VAZ-2106 markalı maşınlar toqquşub.
Qəza nəticəsində VAZ-2106-nın sürücüsü, rayon sakini Elvin Məmmədov müxtəlif dərəcəli bədən xəsarətləri alaraq Zaqatala Rayon Mərkəzi Xəstəxanasına çatdırılıb. Hazırda yaralıya ilkin tibbi yardım göstərilir.
Baş vermiş yol-nəqliyyat hadisəsi ilə bağlı araşdırma aparılır.