10 Yanvar 2025 11:18
AFFA-nın “Xəzər Lənkəran”ın ev oyunlarını keçirdiyi Lənkəran şəhər stadionunu alacağı ilə bağlı yerli KİV-də xəbərlər yayılıb.
Bildirilib ki, AFFA-nın səlahiyyətli şəxsləri qarşı tərəflə təmasa keçib və stadionu qurumun balansına keçirməkdə maraqlıdır. Əgər tərəflər maliyyə məsələlərində razılığa gələ bilsə, o zaman Lənkəran şəhər stadionunda əsaslı təmir-bərpa işlərinə start veriləcək.
Bu barədə AFFA-nın Mətbuat katibi Elnur Məmmədli Metbuat.az-ın sorğusuna cavab olaraq bildirib ki, AFFA rəhbərliyinin Lənkəran və Masallı stadionları ilə bağlı qarşı tərəfllə təmasa keçməsi həqiqəti əks etdirmir.
"AFFA-nın yeni strategiyasına gəlincə, yaxın günlərdə strategiya ictimaiyyətə təqdim olunacaq və hər kəs orada yer alan müddəalarla tanış ola biləcək", - deyəməlumatda qeyd olunub.
Sevinc İbrahimzadə / Metbuat.az