"Kəpəz" Malta millisinin futbolçusunu transfer etdi
24 Yanvar 2025 22:03
"Kəpəz" Malta millisinin futbolçusunu transfer edib.
Klubdan Metbuat.az-a verilən məlumata görə, Gəncə təmilçisi Trent Buhagiarla "6 ay + 1 il" müqavilə imzalayıb.
O, ampluaca yarımmüdafiəçi mövqeyində çıxış edir.
Əslən Avstraliyadan olan Buhagiar Malta yığmasının üzvüdür. Trent tarixi vətənində bir sıra klubların heyətində çıxış edib. 26 yaşlı futbolçunun son klubu İtaliya B Seriyasından "Breşiya" olub.