11 Yanvar 2025 10:06
Lənkəran Dövlət Universiteti maraqlı təşəbbüsə imza atıb. Tələbəyə semestr imtahanının gününü və saatını seçmək imkanı təqdim olunur.
Metbuat.az xəbər verir ki, bu barədə "Azərbaycan Universitetləri" səhifəsi paylaşıb.
Belə ki, imtahana saatlar qalmış, hər bir tələbəyə şəxsi qaydada SMS-lər göndərilir. Burada imtahan otağının nömrəsi, tələbə ID və fənnin kodu olmaqla bütün məlumatlar göstərilir.
Əgər imtahana yarım saat qalıbsa, amma tələbə özünü yaxşı hiss etmirsə və ya vacib bir işi çıxıbsa, heç bir narahatlıq olmadan sistemə daxil olub imtahan vaxtını dəyişdirir, yenidən şəxsi məlumatları ilə bağlı bütün detallar uyğun şəkildə yenilənərək göndərilir.
Qeyd edək ki, Lənkəran Universitetində bu sistemin əsas yaradıcısı baş proqramçı Mayis Eyniyevin sayəsində mümkün olub.
Sevinc İbrahimzadə / Metbuat.az