3 Yanvar 2025 22:17
“Real Madrid” iki futbolçunu transfer etmək istəyir.
Metbuat.az xəbər verir ki, “Real” “Arsenal"ın müdafiəçisi Uilyam Saliba və "Liverpul"un sağ cinah müdafiəçisi Alexander-Arnold üçün hərəkətə keçib. İspaniya mətbuatında yer alan xəbərlərə görə, “Arsenal” Salibanı heyətində saxlamaq istəyir, lakin fransız futbolçu İspaniya klubuna transfer olmağa razılıq verib. 2019-cu ildə 30 milyon avroya "Arsenal"a transfer olunan Salibanın İngiltərə klubu ilə 2027-ci ilə qədər müqaviləsi var.
Alexander-Arnoldun “Liverpul”la müqaviləsi mövsümün sonunda yekunlaşır. Futbolçunun “Real”a transfer olmaq istədiyi irəli sürülür.