Bakı – APA. Azərbaycan xarici işlər naziri Elmar Məmmədyarov Qətər Dövlətinin Azərbaycana yeni təyin olunmuş səfiri Səyar Rəhman Əl-Mavdahı qəbul edib.
Azərbaycan Xarici İşlər N azirliyinin mətbuat xidmətindən APA-ya verilən məlumata görə, görüşdə iki ölkə arasındakı əlaqələrin inkişafından məmnunluq ifadə olunub, qarşılıqlı səfərlərin və iki ölkənin biznes dairələri arasında təmasların artırılmasının vacibliyi vurğulanıb.
Səfir S. Əl-Mavdah ölkəsinin bütün sahələrdə Azərbaycanla əməkdaşlığı inkişaf etdirməkdə maraqlı olduğunu qeyd edərək, diplomatik fəaliyyəti müddətində ikitərəfli əlaqələrin genişləndirilməsi üçün səylərini əsirgəməyəcəyini bildirib.
S. Əl-Mavdah etimadnaməsinin surətini Nazir Elmar Məmmədyarova təqdim edib.
Öz növbəsində E. Məmmədyarov səfir S. Əl-Mavdaha diplomatik fəaliyyətində uğurlar arzulayıb.