Daha bir marşrut xəttinin hərəkət sxemi dəyişdirilib - FOTO

Sabahdan Bakı Metropoliteninin “Bakmil” stansiyasının müvəqqəti təmirə bağlanması ilə əlaqədar metropoliten işçilərinin və ətraf ərazidə yaşayan əhalinin ictimai nəqliyyatdan istifadəsini təmin etmək məqsədi ilə 71 nömrəli müntəzəm marşrut xətti ( “Azadlıq prospekti” metrostansiyası – “Koroğlu” Nəqliyyatı Mübadilə Mərkəzi) üzrə avtobusların hərəkət sxemində dəyişiklik edilib.

Bakı Nəqliyyat Agentliyindən Metbuat.az-a verilən məlumata görə, dəyişikliyə əsasən, 71 nömrəli marşrut xətti üzrə avtobuslar Ziya Bünyadov prospektindən keçib Ələsgər Qayıbov küçəsinə daxil olmaqla yenidən Z.Bünyadov prospektinə çıxaraq yoluna davam edəcək.

Dəyişiklik təmir işləri yekunlaşanadək qüvvədə olacaq. Bu müddətdə Ə.Qayıbov küçəsindən sərnişindaşınmaya 71 nömrəli marşrut xətti üzrə 4 ədəd nəqliyyat vasitəsi ayrılacaq.

Sabah hava belə olacaq - Proqnoz açıqlandı - Oxumaq üçün tıkla


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR