Türkiyənin “Konyaspor” klubundan ayrılan kamerunlu futbolçu Samuel Eto Fransa klublarından birinə transfer oluna bilər.
Metbuat.az-ın sia.az-a istinadən verdiyi məlumata görə, məşhur futbolçu bu haqda xarici mətbuata açıqlama verib. O, Fransa klublarından təkliflər aldığını bildirib: “Danışıqlar aparmadığımı desəm, yalan olar. Təkliflər var. Karyeramın sonuna yaxınlaşıram. Mənə ən uyğun olan təklifi dəyərləndirəcəyəm”.
O, PSJ klubunun azarkeşi olduğunu qeyd edib: “Karyeram bitənə qədər bu klubda oynayıb-oynamayacağımı bilmirəm. Mənim üçün önəmli olan oynamaq, qol vurmaq və əylənməyə davam etməkdir. Daha iki mövsüm oynayıb, karyeramı bitirib və yeni həyata başlamağı hədəfləmişəm”.
Sərin hava sabah da davam edəcək - Proqnoz açıqlandı - Oxumaq üçün tıkla