Rusiyanın Sverdlovsk vilayətinin Krasnoturinsk şəhərində mədəndə uçqun baş verib.
Publika.az “RİA-Novosti” agentliyinə istinadən xəbər verir ki, hadisə nəticəsində mədənin iki işçisi dağıntılar altında qalıb.
Onlardan biri həlak olub, digəri isə ağır yaralanıb. Hadisə anında yerin altında 131 nəfər var idi.
Hazırda hadisənin səbəbləri ilə bağlı araşdırma aparılır.
