“Samsung” dünyada 6 Qbit/s sürətə malik ilk 5G modem təqdim edib

“Samsung” dünyada 6 Qbit/s sürətə malik ilk 5G modem təqdim edib
04:35 16 Avqust 2018
Ölkə mətbuatı
A- A+

Telekommunikasiya avadanlığı və istehlak elektronikası istehsalçıları 5G standartının bazara çıxarılmasına hazırlaşırlar. Bir çox şirkətlər yeni texnologiyanı dəstəkləyən yeni nəsil qurğuların hazırlanması üzərində işləyir. Bu gün “Samsung” şirkəti dünyada ilk kütləvi 5G modemini təqdim edib. Yeni modemin əsas özəlliyi mobil şəbəkədə məlumatların çox yüksək sürətlə ötürülməsidir.
 
“ICTnews” Elektron Xəbər Xidməti “4pda.ru” saytına istinadən yazır ki, “Exynos Modem 5100” modemi 6 QHs diapazonunda 2 Qbit/s-dək, mm-lik diapazonda isə 6 Qbit/s-dək maksimum qoşulma sürətini təmin edə bilər. Bu, 4G şəbəkəsinin imkanlarını müvafiq olaraq 1,7 və 5 dəfə üstələyir. Şirkətin press-relizinə əsasən, yeni avadanlığın sınaqları aparılır. Artıq reallığa yaxın şərtlər daxilində 5G stansiyası və modemin prototipi arasında məlumatların ötürülməsi həyata keçirilib.
 
Modem, həmçinin “2G GSM/CDMA”, “3G WCDMA”, “TD-SCDMA”, “HSPA” və “4G LTE” şəbəkələri ilə uyğunluğu saxlayacaq. Beləliklə, 5G əhatə dairəsi olmadıqda istifadəçi rabitəsiz qalmayacaq.
 
Emil Hüseynov



Xəbərin orijinal ünvanı: http://ictnews.az/read-56079-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR