“Qarabağ”ın UEFA Avropa Liqasının pley-off mərhələsindəki rəqibi müəyyənləşib.
Publika.az xəbər verir ki, Ağdam klubu Avropanın nüfuzuna görə ikinci turnirinin qrup mərhələsinə düşmək üçün Moldova çempionu “Şerif”i mübarizədən kənarlaşdırmalıdır.
“Şerif” Avroliqanın üçüncü təsnifat mərhələsinin cavab qarşılaşmasında İslandiyanın “Valyur” klubuna 2-1 hesabı ilə məğlub olsa da, evdə qazanılan 1-0 hesablı qələbə sayəsində mərhələni keçə bilib.
Qeyd edək ki, pley-off mərhələsinin oyunları avqustun 23-də və 30-da keçiriləcək. İlk oyun Moldovada baş tutacaq.