Türkiyə neft və neft məhsulları idxalını azaldıb

Türkiyənin neft və neft məhsulları idxalı azalıb.

Metbuat.az Azərtaca istinadən xəbər verir ki, bu barədə Türkiyənin Enerji Bazarını Tənzimləmə Təşkilatı (EPDK) məlumat yayıb. Bildirilir ki, iyunda ölkənin neft və neft məhsulları idxalı keçən ilin eyni ayına görə 3,6 faiz azalaraq 3 milyon 388 min ton olub. Ötən ilin eyni dövründə bu göstərici 3 milyon 515 min ton təşkil edib.

Türkiyənin xam neft idxalı isə 8,77 faiz azalaraq 1 milyon 832 min ton təşkil edib. Hesabat dövründə Türkiyə ən çox İraq (646 min ton), Rusiya (378 min ton) və İrandan (287 min ton) xam neft alıb.

Sözügedən dövrdə ölkənin neft məhsulları istehsalı 14,1 faiz azalaraq 2 milyon 178 min ton olub. İyun ayında aviasiya yanacaqlarının ixracı əvvəlki ilin eyni ayına görə 0,7 faiz artaraq 353 min 399 ton, gəmi yanacağının ixracı isə 8 faiz azalaraq 65 min 842 ton təşkil edib. Bu dövrdə Türkiyənin benzin ixracı 12,5 faiz azalaraq 208,220 ton təşkil olub.

Beləliklə neft bazarında digər məhsullarla birgə ümumi ixrac da 15,8 faiz azalaraq 673 min 412 ton olub. Türkiyənin neft məhsulu satışları iyunda 2017-ci ilin eyni ayına görə 7,1 faiz artaraq 2 milyon 535 min tona yüksəlib.


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR